10 سبتمبر 2012


.

امسحى دموعك يا فاطمة
الواد جـلال مكانش ابن حـرام
الواد طايـش يا فاطمـة
لكنه بيحبـــك /
وانتى اللى دلعتيــه
دلعك صحيح فسـده
وفسدله أخلاقه
لكن ملوش غيرك
لو يوم كفر .. تهديه
وجلال مكفرش واستغنى
ولا باعش يوم لحمه
والقسوة اللى فى عيونه
حبك أهو .. زاحمه
شايله فى نن عينيه
بس ضياه باهت
ملعون ابو الضحكة
من عمرنا تاهت
حتى اسألى (سيّد)
مش لسه بتحبيه
ولسه بيحبك ؟؟
بصى كده فى عينيه
شوفى كده بقلبك
تلقى المرار طافـح
والحـزن طير جـارح
ينهش براءته وضحكته /
وغنـوة امبـــارح
بس انتى دايمـاً كده
سابقة قوي الزفـة
قلبك حليب أبيض
بالحب يتدفى
لساكي يا فاطمـة
مكسوفة تتحزمــى
ده الليلة فرح وغنى
حبى كمان واحلمى
الليلة اهو .. سيد
جايلك بشــوق وهيــام
يلا امسحى دموعك
ده الواد جلال عمره /
ماكنش ابن حرام

.

ليست هناك تعليقات:

إرسال تعليق